मुग्लिङ,। पृथ्वी राजमार्ग प्रश्न : इन्स्पेक्टर साब, अहिले पृथ्वी राजमार्गको अवस्था कस्तो छ?
प्रहरी निरीक्षक डिल्लीबहादुर खड्का अहिले पृथ्वी राजमार्गको अवस्था एकदमै जोखिमपूर्ण छ। मुग्लिन-काठमाडौं खण्डमा ठाउँ-ठाउँमा पहिरो खसेको छ। विशेष गरी चुम्लिङटार, जोगिमारा र सिम्ले नजिकै सडक हिलाम्मे र चिप्लो भएको छ। एकतर्फी मात्र सवारी चलिरहेको छ।
*प्रश्न : सवारीसाधन चलिरहेका छन् कि ठप्प छन्?*
*खड्का हामीले भर्खरै केहीबेर सडक खुलाएका छौं। तर ठूला सवारीसाधन, ट्रक, बसलाई अझै पनि रोकिएको छ। साना सवारीलाई पालैपालो पास गराइरहेका छौं। माथिबाट ढुंगा खस्ने क्रम अझै रोकिएको छैन।
*प्रश्न : यात्रुहरूलाई के सल्लाह दिनुहुन्छ?*
*खड्का सबै यात्रु दाजुभाइलाई मेरो अनुरोध छ – अत्यावश्यक कामबाहेक आज यो राजमार्ग प्रयोग नगर्नुहोस्। यात्रा गर्नै परे पनि दिउँसोको समयमा मात्र गर्नुहोस्। राति पहिरोको जोखिम धेरै हुन्छ। हाम्रो ट्राफिक प्रहरी टोली २४सै घण्टा सडकमै छ।
*प्रश्न : सडक पूर्ण रुपमा खुल्न कति समय लाग्ला?*
*खड्का मौसमले साथ दियो र पानी रोकियो भने भोलि बिहानसम्ममा दुईतर्फी खुलाउने प्रयासमा छौं। डोजर स्ट्यान्डबाइमा राखेका छौं। तर अहिलेको अवस्थामा जोखिम मोलेर यात्रा नगर्नु नै उत्तम हुन्छ।
पृथ्वी राजमार्ग हुँदै यात्रा गर्ने यात्रुहरूले अनिवार्य रूपमा ट्राफिक प्रहरीको सूचना लिएर मात्र यात्रा गर्नुहोला।
