चाडपर्वको मौका छोपेर गाडीको क्याबिनमा यात्रु कोचाकोच,आउने यात्रु जोखिमपूर्ण यात्रा गर्न बाध्य,
दाङ । चाडपर्वको मौका छोपेर काठमाडौँदेखि दाङ आउने यात्रुवाहक गाडीहरूले क्याबिनमा समेत क्षमताभन्दा बढी यात्रु कोचाकोच गरेर ल्याउने गरेको गुनासो प्राप्त भएको छ।
तस्बिरसहित प्राप्त गुनासोअनुसार केही व्यवसायीले क्याबिनमा क्षमताभन्दा बढी यात्रु राखेर ल्याउने गरेका छन्। विशेषगरी क्याबिनमा महिला यात्रुहरुलाई राखेर यात्रा गराइएको विषय थप चिन्ताजनक बनेको छ।
क्षमताभन्दा बढी यात्रु राखेर यात्रा गराउँदा दुर्घटनाको जोखिम बढ्नुका साथै यात्रुको सुरक्षामाथि समेत गम्भीर प्रश्न उठेको छ।
यस विषयमा जिल्ला ट्राफिक प्रहरी कार्यालय, दाङले चासो दिएको छ। कार्यालयले घटनाबारे भोलिसम्म अनुसन्धान गरी दोषी देखिएमा कानुन बमोजिम कारबाही गर्ने जानकारी दिएको छ।
