बाँके – नेपालगञ्ज उपमहानगरपालिका वडा नं. २ घरबारी टोलमा केटीहरुको समूहले २ जना केटालाई पिटेको भिडियो यतिबेला सामाजिक सञ्जालमा भाइरल बनेको छ।
सामाजिक सञ्जाल फेसबुक र टिकटकमा व्यापक रुपमा सेयर भइरहेको भिडियोमा केटीहरुको समूहले २ जना केटामाथि हातपात गरिरहेको देखिन्छ। भिडियो कहिले र के कारणले घटना भएको हो भन्ने खुलेको छैन।
भिडियो भाइरल भएपछि यसबारे विभिन्न अड्कलबाजी भइरहेका छन्। कतिपयले व्यक्तिगत विवादका कारण घटना भएको हुनसक्ने अनुमान गरेका छन्।
यस विषयमा जिल्ला प्रहरी कार्यालय बाँकेले आफ्नो ध्यानाकर्षण भएको र घटनाबारे बुझ्ने काम भइरहेको जनाएको छ।
