३० कार्तिक २०८३, सोमबार
16-11-2026 , Mon
×

नेपाल प्रहरीका पाँच एआईजी अवकाशमा जाँदै,आईजिपी बन्ने लाइनमा को–को छन् ?

Logo
ABC (क्राईमबिट) प्रकाशित सोमबार, कार्तिक ३०, २०८३

काठमाडौं । प्रहरीमा एक महिनापछि एकैसाथ पाँचजना उच्च प्रहरी अधिकारीले अवकाश पाउने भएका छन् । प्रहरी अतिरिक्त महानिरीक्षक (एआईजी) सिद्धिविक्रम शाह, सुशीलसिंह राठौर, उमाप्रसाद चतुर्वेदी, हिमालयकुमार श्रेष्ठ र डम्बरबहादुर विकले अवकाश पाउन लागेका हुन् ।

उनीहरु पाँचजना नै प्रहरीको ३० वर्षे सेवा अवधिका आधारमा अवकाशमा जान लागेका हुन् ।

उनीहरु २०५३ पुस ५ गते राष्ट्रिय अनुसन्धान विभागमा भर्ना भएका थिए । पछि भने नेपाल प्रहरीमा स्थानान्तरण गरिएको थियो । तर, सेवाअवधि भने राष्ट्रिय अनुसन्धान विभागमा भर्ना भएकै मितिदेखि लागु हुने भएपछि उनीहरु पुस ५ गतेबाट अवकाशमा जान लागेका हुन् ।

हाल शाह प्रहरी प्रधान कार्यालयको प्रदेश समन्यव विभागमा कार्यरत छन् ।

यसरी नै राठौर उपत्यका प्रहरी कार्यालय रानीपोखरी, चतुर्वेदी प्रहरीको केन्द्रीय अनुसन्धान ब्युरो (सीआईबी) हिमालय श्रेष्ठ प्रहरी प्रधान कार्यालयको कार्य विभाग र विक प्रशासन विभाग प्रमुख छन् ।

प्रहरीमा ८ जना एआईजीहरुको दरबन्दी छ । हाल एक एआईजी रिक्त छ । सरकारले कात्तिक १८ गते नेपाल प्रहरीका आईजीपी दानबहादुर कार्कीलाई हटाएर एआईजी मनोज केसीलाई आईजीपी नियुक्त गरेसँगै एक एआईजीको दरबन्दी रिक्त भएको थियो ।

यो संख्या पुस ५ देखि भने एआईजीको रिक्त दरबन्दी ६ पुग्ने छ ।

हाल एआईजीहरुमा राजन अधिकारी र ईश्वर कार्की मात्रै बाँकी रहने छन् । उनीहरु दुवैजना हालका आईजीपी केसीकै ब्याची हुन् ।

उनीहरु २०५४ मा चैत १८ मा प्रहरी निरीक्षकमा भर्ना भएका टोलीहरु हुन् ।

एकैसाथ ६ एआईजीहरुको दरबन्दी रिक्त हुने भएपछि एआईजी बढुवाका लागि डीआईजीहरुको लिगलिगे दौड सुरु भइसकेको छ । हालका आईजीपी केसीकै ब्याचीहरुसमेत केही डीआईजी नै छन् ।

उनीहरुभन्दा पछिल्लो ब्याचका डीआईजीहरुसमेत यही मौकामा एआईजी बढुवा भएर भावि प्रहरी नेतृत्वमा पुग्न चाहन्छन् । एआईजीका ब्याचीहरुमा राजेन्द्र भट्ट, दिनेश कुमार आचार्य, अरुण पौडेल, गोविन्द थपलिया र दिपेन्द्र घर्ती छन् ।

यसरी नै सुदर्शन कोइराला, दिपककुमार बस्नेत र जयराज सापकोटा पनि बढुवाका प्रतिस्पर्धामा छन् । उनीहरु एआईजी भए पनि हालका आईजीपी केसीसँगै २०८४ चैतमा अवकाशमा जानेछन् ।

को–को छन् प्रतिस्पर्धी ?

हालका आईजीपी पछि नेतृत्वमा को रहने भन्ने दौडसमेत यही बढुवासँगै हुने देखिन्छ । हालका आईजीपी केसीका ब्याचीबाहेक २०५६ मा भर्ना भएका टोलीबाट एआईजीमा बढुवा गरिए उनीहरुबाट एकजना २०८४ चैत पछि आईजीपी बन्नेछन् ।

यो समूहबाट डीआईजीहरु भुपेन्द्र खत्री, सानुराम भट्टराई, ओम अधिकारी, शेखर खनाल, अभिनारायण काफ्ले र विश्व अधिकारी एआईजी बढुवाका दावेबार रहनेछन् । यो समूहबाट डीआईजी बढुवाको पहिलो नम्बरमा डीआईजी खत्री छन् ।

हाल लुम्बिनी प्रदेश प्रहरी प्रमुखको कमान्ड सम्हालेका खत्रीपछि क्रमशः भट्टराई, ओम अधिकारी, खनाल, काफ्ले र विश्व अधिकारी छन् । भट्टराई हाल सुदूरश्चिम प्रदेश प्रहरी कार्यालय प्रमुख, अधिकारी मधेश प्रदेश, खनाल कोसी प्रदेशको कमान्डर छन् ।

काफ्ले नेपाल प्रहरीको प्रवक्ताको भूमिकामा छन् भने विश्व अधिकारी प्रहरी प्रधान कार्यालयको प्रशासन विभागमा रहेका छन् । सबैभन्दा बढी पेचिलो बढुवा यही समूहबाट हुने देखिन्छ ।  सरकारले हालका आईजीपीकै ब्याचीबाट बढुवा गरेको खण्डमा उनीहरुको बढुवा केही पर धकेलिने छ ।

तर, यही पुस ५ पछि बढुवामा फड्को मार्ने अधिकारीलाई भने आईजीपी बन्ने ढोका खुल्नेछ ।

कमेन्ट गर्नुहोस्
सम्बन्धित

काठमाडौँ । नेपाल आयल निगमले पेट्रोलियमको मुल्य हाललाई यथावत राख्ने निर्णय गरेको छ । चाडपर्व र आम उपभोक्ताको हितलाई मध्यनजर गर्दै निगमले हालकै खरिद मूल्यका आधारमा पेट्रोल तथा डिजेलको खुद्रा बिक्री मूल्य नबढाई साविककै मूल्य कायम गरेको हो । इण्डियन आयल कर्पोरेसनबाट प्राप्त नयाँ खरिद मूल्यअनुसार स्वचालित मूल्य प्रणालीले मूल्य बढाउनुपर्ने देखिए पनि निगम सञ्चालक […]

  एजेन्सी । प्रहरीका अनुसार करिब ५३६ किलोमिटरको दूरीमा भएका यी घटनाको कारण तत्काल खुल्न सकेको छैन। प्रहरीका अनुसार पिटरमारिट्जबर्ग सहरबाहिर स्विटवाटरमा गोली लागेर क्षतिग्रस्त भएको एउटा गाडीभित्र आठ जनाको शव फेला परेको थियो। घटनामा मारिएका व्यक्तिहरूको पहिचान हुन सकेको छैन भने प्रहरीले कसैलाई पक्राउ गरेको छैन। त्यस्तै, राजधानी प्रिटोरियानजिकै जेफ्सभिलस्थित अनौपचारिक बस्तीको एउटा झुपडीमा […]

  बाँके । नेपालगञ्जस्थित संजीवनी अस्पतालमा सुत्केरी मृत्यु भएको प्रकरणलाई लिएर पीडित पक्षले अस्पताल गेटमा विरोध प्रदर्शन गरेका छन्। पीडित पक्षले अस्पतालको लापरबाहीका कारण सुत्केरीको मृत्यु भएको आरोप लगाएका छन्। उनीहरूले घटनाको छानबिन गरी दोषीमाथि कारबाही गर्नुपर्ने र पीडित परिवारलाई न्याय दिनुपर्ने माग गरेका छन्। प्रदर्शनका कारण अस्पताल क्षेत्रमा केही बेर तनाव भएको थियो। घटनास्थलमा […]