महेन्द्र सिंह काठमाडौं
काठमाडौँ फागुन १४ कोटेश्वर सुर्यविनायक सडक खण्डमा हुने सवारी जामलाई कम गर्न महानगरीय ट्राफिक प्रहरी महाशाखाले आजबाट नयाँ नियम लागु गरेको छ।
सवारी चापको व्यवस्थापनका लागि सो रुटमा आजबाट लेन सम्बन्धी नयाँ नियम लागू गरिएको हो।
आजदेखि विस्तारै हिँड्ने टिपर, ट्रक, बसलगायत ठूला मोटरलाई बायाँ लेनमा तथा छिटो गुड्ने मोटरसाइकल, कारलगायत सवारी दायाँ लेनमा गुडाउनु पर्ने महानगरिय ट्राफिक प्रहरी महाशाखाका प्रवक्ता प्रहरी उपरीक्षक जिवन कुमार श्रेष्ठले जानकारी दिनुभयो।
सो सडकमा गुड्ने सवारी तथा हिँड्ने यात्रुले पूर्व जानकारी लिन चाहेमा ट्राफिक प्रहरीको कन्ट्रोल नम्बर १०३, फोन ०१–४२१९६४१, ४२२००६०, मेट्रो कन्ट्रोल १०० मा फोन गरेर पनि लिन सकिने ट्राफिक प्रहरीले जनाएको छ।
