(एबिसी क्राईम ब्युरो)
बाँके मध्यपश्चिम क्षेत्रकै ठूलो शहरको रूपमा चिनिने नेपालगन्जको गणेशमान चोकमा करिब साढे चार बजे दक्षिणतर्फ गइरहेको भे ४ प ७४१२ नम्बरको मोटरसाइकल लाई रूपैडिया तिरबाट आइरहेको ना ७ ख १३९३ नम्बरको ट्रकले ठक्कर दिँदा एकै पटक मा ६ वटा सवारी साधन माथी क्षति भएको हो। पहिचान नखुलेका मोटसाइकल चालक १ जना र ई रिक्सा चालक १ जना गम्भीर घाइते भएका छन्। घाइते दुवै जना लाई उपचारको लागि नेपालगन्ज मेडिकल कलेज मा लागिएको बताइएको छ। सडक किनारमा रहेको भे १ ह ३०७३ नम्बर को ई. रिक्सा धोस्त भएको छ भने चालक गम्भीर घाइते भएका छन।त्यस्तैगरी भे १ स ३४५६ नम्बरको इ .रिक्सा , भे २ प ९१९३ होण्डा साइन मोटर साइकल, भे १ स १२११ नम्बर ई. रिक्सा र भे ६ प ४१०९ नम्बर को रातो रंगको स्कुटर लगायतका सवारी साधन पूर्ण रूपमा क्षति भएको छ।केही समय यता लगातार जस्तै दुर्घटना दोहोरि रहेको छ। सुर्खेत रोड सडक खण्डमा लगातार दुर्घटना हुनुले सडक यात्री असुरक्षित बन्दै गएका छन्। सडक दुर्घटना को मुख्य कारण , बढ्दो सवारी चाप र ठुला गाडी का चालकको लापरवाही मानिएको छ। ठूलो गाडीको सडकमा तिब्र गतिको आतंकका कारण दुर्घटना हुने गरेको स्थानीय बासीले बताए।
मोटरसाइकल लगायत सबै सवारी साधन माथी ठक्कर दिने ट्रक जिल्ला प्रहरी कार्यालय बाँकेले नियन्त्रणमा लिएको छ। ट्रक चालक भने फरार भएका छन। अन्य थप जानकारी आउन बाँकी छ।
