(महेन्द्र सिंह)
बाँके नेपालगन्जको जमुनहा नाका पारी रुपईडिहामा भारतबाट करिब २५० बढी नेपाली आएका छन् ।
भारतमा मजदुरी गरेर उनीहरु नेपाल फर्किएका हुन् । आइतबारदेखि नेपालगन्ज सिमा नाका बन्द भएका कारण उनीहरु नेपालगन्ज आउन पाएका छैनन्।
उनीहरु आज बिहान २ बजे सिमा पुगेको र छिटोभन्दा छिटो व्यवस्थापन गरिदिन उनिहरुले आग्रह ईलाका प्रहरी कार्यालय जमुनहालाई आग्रह गरेका छन ।
यहाँ २५० बढी नेपाली भारतबाट आएका छन् तर सिमा बन्द कारण उनीहरुलाई ल्याउन नसकिएको जमुनहा प्रहरी प्रमुख प्रहरी नायब निरीक्षक माधब रिजाले भने।
‘मैले ठुलो संख्यामा सिमामा नेपाली आइपुगेको बारेमा प्रमुख जिल्ला अधिकारी र सुरक्षा प्रमुखहरुलाई जानकारी गराएको र यस बारेमा पहल भइरहेको’ रिजाले बताए।
रिजालका अनुसार भारतबाट आएका नेपालीहरुलाई चाउचाउ र पानीको ब्यबस्थापन गरिएको छ।यता बाँके सशस्त्र प्रहरी प्रमुख एसपी दिपक अधिकारी उनीहरुलाई कसरी ल्याउने र स्वास्थ्य जाँच गराउने भनेर छलफल भइरहेको बताए।
