(सागर थापा)
दाङ भालुवाङ ईलाका प्रहरी कार्यालय भालुवाङ र अस्थाई ट्राफिक पोष्ट भालुवाङको सयुत्त आयोजनामा दुर्घटना न्यूनीकरण गर्न गाउँ गाउँमा अभियान लिएर ईलाका प्रहरी कार्यालय भालुवाङका प्रहरी प्रमुख प्रहरी निरिक्षक भुवन भट्टले सवारी चालकहरुलाई सुरक्षित तरिकाले सवारी चलाउन तथा यात्रुहरुलाई ट्राफिक नियमको पालना गरि हिड्न अनुरोध गरेका छन् । प्रतिनिधी सभाका सदस्य गंगा थारुको आग्रहमा राप्ती गाउँपालिका वडा नम्बर ७ छोट्की सिसहनियाँमा प्रहरी साझेदारी कार्यक्रम अन्तर्गत ट्राफिक सचेतना कार्यक्रमलाई सहजीकरण गर्दै भालुवाङ प्रहरी प्रमुख प्रहरी निरिक्षक भट्टले सुझाव दिएका हुन् । दुर्घटना न्यूनीकरण गर्न तथा यात्रुलाई सुरक्षित यात्राको अनुभुति गराउन सचेतना कार्यक्रमको आयोजना गरेको सवारी चालकहरुलाई सडक सुशासन कायम गर्न र दुर्घटना न्यूनीकरण गर्न सवारी चालकहरुले महत्वपूर्ण भूमिका खेल्नुपर्ने बताए ।
तिहार तथा छठ पर्वलाई लक्षित गदै आयोजना गरिएको कार्यक्रममा बोल्दै प्रहरी निरीक्षक भट्टले सवारी चालकहरुलाई आफ्नो पेशाप्रति जिम्मेवार भएर सेवा दिन आग्रह गरे । उनले सवारी चालककै कारणले सडक दुर्घटना बढी हुने देखिएकाले सवारी चालकहरुलाई सवारी चलाउदा संम्यम भएर चलाउन सुझाब समेत दिए । त्यस्तै उनले यात्रुहरुलाई ट्राफिक निमयको पालना अनिर्वाय गरी आवातजावत गर्न सुझाव दिएका छन् । चाडपर्वका बेलामा यात्रुहरु धेरै हुने र सवारी साधनहरुको धेरै चाप हुने भएकाले सचेतना कार्यक्रम गरी सवारी चालक र स्थानीयहरुलाई सचेत गराइएको भट्टको भनाई छ । कार्यक्रममा अस्थायी ट्राफिक प्रहरी पोष्ट भालुवाङका ट्राफिक प्रमुख नन्द पोख्रेलले ट्राफिक नियम सम्बन्धि सहजीकरण गरेका थिए । कार्यक्रममा सिसहनियाँका नागरिक अगुवा चालक सहचालक र स्थानीयहरुको ब्यापाक सहभागिता रहेको थियो ।
