(महेन्द्र सिंह) नेपालगन्ज। बाँकेको जानकी गाँउपालिका ५ बनियाँ गाँउका एक जनाको ज्यान गएको छ भने ५ जना घाईते भएका छन । बनियाँ गाउँका स्थानीयहरु बीच सोमबार बेलुका झडप हुँदा सोही वडाका धनिराम यादवको ज्यान गएको हो । झडपमा परी स्थानीय पञ्चराम यादव, मुन्ना खटिक, राम नारायण गुप्ता, मनदेवी काँदु, पर्वत काँदु घाइते भएका बाँकेका प्रवक्ता प्रहरी नायब उपरीक्षक सुवास खड्काले जानकारी दिए ।
बाँकेको बनियाँ गाउँका स्थानिय बिच झडप
झडपमा घाईते भएका यादवको उपचारमा क्रममा नेपालगञ्ज मेडिकल कलेज नेपालगञ्जमा मृत्यु भएको हो ।
अहिले उक्त गाउँमा ठूलो संख्यामा जनपद र सशस्त्र प्रहरी परिचालन गरिएको छ । प्रहरीका अनुसार घटनामा संलग्न ४ जनालाई प्रकाउ गरिएको छ ।
हरेक वर्ष पूर्णिमाका दिन सोही ठाउँमा लाग्ने गुरुवा गाउँ मेलामा सामान्य विवाद भएपछि प्रहरीले दुबै पक्षलाई सम्झाएर पठाएको थियो ।
