(ABC Sanchar)
काठमाडौं । प्रधानमन्त्री केपी शर्मा अोलीले संसद विघटन गरेपछि उत्पन्न राजनीतिक घटनाक्रमबारे सुक्ष्म निगरानी राख्दै अर्लटनमा रहन निर्देशन दिइएको छ।
आइतबार सैनिक मुख्यालयमा उच्च सैनिक अधिकृतहरूको बैठकमा संसद विघटनपछि उत्पन्न परिस्थितिबारे छलफल भएको हो।
स्रोतका अनुसार संसद विघटनपछि देशमा हुलदंगा हुनसक्ने अवस्थालाई मध्यनजर गर्दै सुरक्षा अवस्थाबारे हाई अलर्टमा बस्न मुख्यालयले निर्देशन दिएको छ।
नेपाली सेनाका प्रवक्ता सहायक रथी सन्तोष बल्लभ पौडेलले पीएसओ बैठक नियमित भएको त्यसमा ‘सधैँजस्तै देशको पछिल्लो परिस्थितिले प्रवेश पाउन पनि स्वाभाविक’ भएको बताए।
यसैबीच, प्रधानमन्त्री ओलीले छलफलका लागि सुरक्षा परिषद्को बैठक बालुवाटारमा बोलाएका छन्। दिउसो ४ बजे बस्ने बैठकमा प्रधानमन्त्रीसहित अर्थमन्त्री, गृहमन्त्री, प्रधानसेनापति र मुख्यसचिव सहभागी हुनेछन्।
