(महेन्द्र सिंह) बाँके । मंगलबार बाँकेको नरैनापुर गाँउपालिका वडा नं. ६ चौबिसबिगामा भएको आगलागीका पिडितहरुलाई प्रारम्भिक चरणको राहत वितरण गरीएको छ । आगलागीबाट घरबिहिन भएका ७ घरपरिवारलाई नेपाल सरकारको तर्फबाट जनही रु १५ हजार, रेडक्रस सोसाईटिबाट बन्दबस्तिका सामान तथा गाउँपालिकाको तर्फबाट खानाको प्रबन्ध मिलाईएकको बाँकेका प्रमुख जिल्ला अधिकारी रामबहादुर कुरुम्वाङले जानकारी दिएका छन ।
बाँके क्षेत्र नं. १ का संघिय साँसद महेश्वर गहतराज ‘अथक’, प्रदेश साँसद कृष्णा केसी ‘नमुना’ सहित घटनास्थल पुगेका बाँकेका प्रमुख जिल्ला अधिकारी कुरुम्वाङले जिल्ला विपद ब्यवस्थापन केन्द्रका तर्फबाट प्रत्येक घरपरिवारलाई राहतस्वरुप तत्कालकालागि १५ हजार नगद उपलब्ध गराईएको बताए ।
मंगलबार दिउसो करिब १ बजेको समयमा चौबिसबिगा गाँउमा आगलागी भएको थियो । नरैनापुर गाउँपालिकाको दमकल, प्रहरी, शसस्त्र प्रहरी र स्थानियहरुको प्रयासमा आगलागि नियन्त्रणमा लिईएपनि आगलागीबाट ७ घर जलेर नष्ट भएका छन । यद्यपी आगलागीबाट मानविय क्षती भने नभएको सिडियो कुरुम्वाङले बताए ।
