(महेन्द्र सिंह) बर्दिया । सशस्त्र प्रहरीले ठुलो परिमाणमा अवैध सामाग्री बरामद गरेको छ।सशस्त्र प्रहरीले बल नम्बर ३१ गण बर्दिया मातहतका बिओपीहरु र गस्ती टोलीले अवैध रुपमा चोरी पैठारी गरि नेपाल तर्फ भित्र्याउदै गरेको अवैध सामाग्री बरामद गरेको सशस्त्र प्रहरी प्रमुख एसपी नर बहादुर रावतले जानकारी दिएका छन्।
एसपी रावतका अनुसार सशस्त्र प्रहरीले सुर्तिजन्य पदार्थ, चिनी, काठ र ईलेक्ट्रोनिक सामान बरामद गरेको हो। बरामद गरिएका अवैध सामाग्रीलाई छोटी भन्सार कार्यालय बर्दियामा बुझाइएको एसपी रावतले जानकारी दिएका छन्।
यस्तै बर्दिया मधुवन नगरपालिका वडा नम्बर ३ धनौरा स्थित विओपि भगरैयाबाट सशस्त्र प्रहरी निरीक्षक मगरु चौधरीको कमाण्डमा खटिएको गस्ती टोलीले भारतबाट नेपाल भित्र्याउँदै गरेको २० केजी जरायोको मासु बरामद गरी खाता सब डिभिजन बन कार्यालयमा बुझाएको एसपी रावतले बताए।
बर्दियामा बर्तमान समयमा जिल्लाभर सशस्त्र प्रहरीका थप बिओपीहरु स्थापना भएपछि तस्करी बिरुद्द ससश्त्र प्रहरी खरो रुपमा उत्रिएको छ।
