ABC (क्राईमबिट)
झापा । गौरीगञ्ज गाउँपालिमा वडा नम्बर २ स्थित लालमाटीबाट लागूऔषधसहित दुईजना पक्राउ परेका छन्। पक्राउ पर्नेमा सोही स्थानका २५ बर्षीय लोकेन्द्र खड्का र २४ बर्षीय कमल दाहाल रहेका छन्।
प्रहरी चौकी कोरोबारीबाट खटिएको प्रहरी टोलीले मंगलबार बेलुका साढे ५ बजे तरकारी बोकेको झोला भित्र लागुऔषधसहित उनिहरूलाई पक्राउ पारेको हो ।
प्रहरीले उनीहरुको साथबाट लागुऔषध ल्याबोरेट कोहीनफस्पेट (कोरेक्स) १२ बोतल, वीनस्पामो–२८ ट्याब्लेट र नेट्राभेट–३० ट्याब्लेट फेला पारेको हो ।
पक्राउ परेका उनीहरुलाई इलाका प्रहरी कार्यालय गौरीगंजमा ल्याई थप अनुसन्धान भईरहेको प्रहरीले जनाएको छ।
