(ABC-Sanchar)
काठमाडौं । जर्मनीमा बाढीमा परेर ९३ जनाको मृत्यु भएको छ । निरन्तर वर्षापछि आएको बाढी दशकौंपछि ठूलो क्षति पुर्याएको अन्तर्राष्ट्रिय सञ्चारमाध्यमहरुले जनाएका छन् ।
पश्चिमी जर्मनीको र्हानल्याण्ड पेलेटिनेट र उत्तरी वेष्टफालियामा मात्रै ९३ जनाले ज्यान गुमाएको बीबीसीले उल्लेख गरेको छ । जर्मनीको आन्तरिक मामिला मन्त्री स्टिफन मेयरले करिब एक हजार तीन सय ब्यक्ति सम्पर्क बाहिर रहेको बताउनुभएको छ ।
अह्रेलर जिल्लामा कम्तिमा एक हजार ५ सय ब्यक्ति सम्पर्कविहीन भएका छन् । सात सय बासिन्दा रहेको शुड गाउँ पूर्ण रुपमा ध्वस्त भएको छ ।
बेल्जियन सीमा नजिकको रुर्टलस्पेर ड्याम खतराको चिन्हभन्दा माथि बग्दा ठूलो क्षति पुर्याएको छ ।
अर्फस्टड शहरमा दुई घर भत्किदा उद्धारकत्र्ता उद्धारका लागि शहरको प्रभाबित क्षेत्रमा पुगेका छन् । उद्धारकत्र्ताले घरमा फसेका ब्यक्ति समक्ष पुग्न असमर्थ देखिएको बताएका छन् । शहरभित्र हिंडडुल गर्न डुङ्गाको सहायता लिइएको छ ।
वल्लोनिया क्षेत्रमा २१ हजार सर्वसाधारण विद्युत आपूर्ति ठप्प भएको छ । अधिकारीहरुले लैज क्षेत्रका बासीलाई छिट्टै घर खाली गर्न भनिएको र त्यसो गर्न नसक्नेलाई माथिल्लो तल्लामा सर्न आग्रह गरेका छन् । रासस
