ABC (क्राईमबिट)
बर्दिया । प्रहरीले सार्वजनिक अपराध मुद्दामा सजाय तोकि फरार रहेका तीन जना अभियुक्तलाई पक्राउ गरेको छ ।
बर्दिया जिल्ला अदालतको मिति २०७२ चैत ९ गतेको फैसला आदेशले केही सार्बजनिक अपराध मुद्दामा जनही ५ हजार जरिवाना तोकिई फरार रहेका कसुरदार राजापुर १ का अशोक चौधरी र केशब थारुलाई पक्राउ गरेको हो । उनीहरुलाई ईलाका प्रहरी कार्यालय राजापुरको प्रहरी टोलिले शुक्रबार पक्राउ गरी जिल्ला अदालत गुलरियामा बुझाईएको जिल्ला प्रहरी कार्यालय बर्दियाका प्रहरी प्रमुख एसपी ईश्वर कार्कीले बताए । त्यस्तै बर्दिया जिल्ला अदालतको मिति २०७७ पुस १५ गतेको फैसला आदेशले सवारी ज्यान मुद्दामा २ महिना ४ दिन कैद सजाय तोकिई फरार रहेका बारबर्दिया नगरपालिका ८ का २७ बर्षिय सुमन चौधरीलाई पक्राउ गरिएको हो ।
चौधरीलाई ईलाका प्रहरी कार्यालय जयनगर बर्दियाको प्रहरी टोलिले शुक्रबार पक्राउ गरी सम्मानित बर्दिया जिल्ला अदालत गुलरियामा बुझाईएको एसपी कार्कीले जानकारी दिए ।
