ABC (क्राईमबिट)
पर्सा । प्रहरीले वीरगन्ज-१६ बस्ने ४० वर्षीय मोती पटेल भन्ने मोतीलाला कुर्मीलाई पक्राउ गरेको हो । वीरगन्ज १६ घर भई हाल वीरगन्ज–१५ मा बस्दै आएका सरोज महतो कुशवाहाकी छोरी रिजवानाको शव पुस २४ गते कन्चनजंगा स्कुल नजिक निर्माणाधीन भवनको उत्तरपट्टिको चेपमा फेला परेको थियो । टाउकोमा ढुंगा प्रहार गरिएको अवस्थामा बालिकाको शव फेला परेको थियो ।
कुर्मीले अवैध सम्बन्ध लुकाउने उद्देश्यले बालिकाको हत्या गरेको बताएको छ । उनलाई माघ २ गते वीरगन्ज १६ इनर्वास्थित नेपाल भारत सीमाबाट पक्राउ गरिएको जिल्ला प्रहरी कार्यालयका प्रवक्ता डीएसपी ओमप्रकाश खनालले जानकारी दिए ।
एक महिलालसँगको अवैध सम्बन्धबारे बालिका प्रत्यक्षदर्शी भएपछि मोतिलालले उक्त सम्बन्ध उजागर हुने डरले अपहरण गरी बालिकाको हत्या गरेको प्रहरीले जनाएको छ ।
