(ABC-Sanchar)
काठमाडौं । हिन्दुस्तान टाइम्सका अनुसार पछिल्लो दश दिनको अवधिमा क्यानडामा दश वटा मन्दिरमा तोडफोड भएपछि त्यहाँका पुजारी र हिन्दु समुदाय त्रसित बनेका छन्।
आक्रमणकारीहरुले मन्दिरको दान पेटीबाट पैसा चोरेको र मूर्तिमा लगाइएको आभूषणहरु पनि चोरेको जनाइएको छ।
क्यानडाका हिन्दु मन्दिरहरुमा गत जनवरी १५ बाट आक्रमण सुरुवात भएको हो।
प्रहरीका अनुसार २५ जनवरीमा ब्रैम्पटनमा रहेको मन्दिरमा पनि आक्रमण भएको थियो। लगत्तै ब्रैम्टनमै रहेको जगन्नाथ मन्दिरमा पनि आक्रमण गरेको जनाइएको छ।
बदमाशहरुले यतिबेला हिन्दु समुदायमा त्रास उत्पन्न गरेका छन्।
हिन्दुस्तान टाइम्सका अनुसार यो आक्रमणमा दुईदेखि तीन व्यक्तिहरु सामिल भएको भिडिओ फुटेज सार्वजनिक भएको छ। बिहान २ देखि ३ बजेको समयमा यस्तो आक्रमण हुने गरेको पाइएको छ। हालसम्म यस घटनामा संलग्न भएका कोही गिरफ्तार भएका छैनन्। मन्दिरहरुमा यतिबेला सुरक्षा व्यवस्था कडा पारिएको छ भने आक्रमणकारीको खोजी भइरहेको छ।
