नेपाली कांग्रेस कोहलपुर नगर समितिको कार्यालयमा कांग्रेसका नेता कार्यकर्ताहरुले तालाबन्दी गरेका छन् ।
उम्मेदवार छनोटमा असहमती राख्दै उनीहरुले कोहलपुर बसपार्कमा रहेको नगर कार्यालय तालाबन्दी गरेका हुन् । कोहलपुरको मेयरको लागि युवा नेता पूर्णप्रसाद आचार्य र उपमेयरमा संगीता पौडेल सुवेदीलाई उम्मेदवार बनाउने निर्णय भइसकेको छ ।
नेपाली कांग्रेसमा लामो ईतिहास बोकेका साथीहरु हुँदाहुँदै युवालाई टिकट दिएकोले आफुहरुको सहमती रहेको मेयरका आकांक्षी समेत रहेका कांग्रेसका नेता राजेन्द्र श्रेष्ठले बताए । ‘युवाहरुको विरोधमा हामीहरु छैनौं ।
ईतिहास बोकेका नेताहरु हुँदाहुँदै वडाध्यक्षमा हारेकालाई टिकट दिनुहुँदैन भन्ने हो’ उनले भने, ‘उहाँहरुलाई अन्य क्षेत्रमा समेत अवसर दिनुपर्छ । कोहलपुरमा मेयररै ताकेर पूराना नेताहरु बस्नुभएको छ । उहाँहरुलाई पार्टीले टिकट दिनुपर्छ ।’
नेता कार्यकर्ता नै विरोधमा उत्रिएपछि पार्टी कार्यालय परिसर अहिले तनावग्रस्त बनेको छ ।रास्स
