बाँके । नेपालगंज उपमहानगरपालिका-१५ जमुनाहबाट करिब १३ ग्राम अवैध लागूऔषध ब्राउनसुगरजस्तो देखिने पदार्थ सहित सोही उपमहानगरपालिका-१६ जयसपुर बस्ने २३ वर्षीय साहवुदिन अन्सारीलाई आइतबार दिउँसो प्रहरीले पक्राउ गरेको छ ।
इलाका प्रहरी कार्यालय जमुनाह र लागूऔषध नियन्त्रण ब्यूरो नेपालगंजबाट खटिएको प्रहरीले जाँच गर्ने क्रममा उनलाई उक्त लागूऔषध सहित उनलाई पक्राउ गरेको हो ।
बारा, कलैया उपमहानगरपालिका-१२ चौरसियाबाट ५ किलो अवैध लागूऔषध गाँजा सहित पर्सा गडतौल-२ बस्ने ६५ वर्षीय जंगाली मुखियालाई सोमबार बिहान प्रहरीले पक्राउ गरेको छ । नेपालबाट भारततर्फ जाँदै गरेका उनलाई प्रहरी चौकी मटिअर्चाबाट खटिएको प्रहरीले जाँच गर्ने क्रममा उक्त गाँजा सहित फेला पारी उनलाई पक्राउ गरेको हो ।
