ABC (क्राईमबिट)
काठमाडौं । अटो सिटी इटहरी बजाज सोरुमले १ नम्बर प्रदेश प्रहरी कार्यालय बिराटनगरलाई एक थान बिद्युतिय अटो टेम्पो सहयोग गरेको छ । बजाज सोरुमले समुदाय–प्रहरी साझेदारी कार्यक्रमअन्तर्गत टेम्पो हस्तान्तरण गरेको हो ।
शुक्रबार आयोजित कार्यक्रममा अटोसिटीका इटहरी प्रमुख प्रदिप सन्थलियाले १ नम्बर प्रदेश प्रहरी प्रमुख डिआइजी सुदिप गिरिलाई अटो टेम्पोको चाबी हस्तान्तरण गरेका हुन ।
कार्यक्रममा सन्थलियाले शान्ति सुरक्षालाई थप मजबुद बनाउँदै अपराध नियन्त्रणमा सहयोग पुर्याउन उक्त सवारी प्रदान गरेको जानकारी दिए। “बिराटनगरको शान्ति, सुरक्षालाई थप मजबुत बनाउन यसभन्दा पहिले पनि १ थान टेम्पो १ थान मोटरसाइकल र ५ थान साईकल दिएको समेत सन्थलियाले बताए।
कार्यक्रमको प्रमुख अतिथि नेपाल प्रहरीका प्रदेश १ प्रमुख डिआइजी सुदिप गिरिले प्रहरीलाई सवारी दिएकोमा खुसी ब्यक्त गरे । उनले सरकारले उपलब्ध गराएको सवारी साधनबाट प्रभावकारी प्रहरी सेवा प्रवाहमा सहजता हुदै आएको बताए । बिराटनगर आसपासमा आम नागरिकमा शान्ति सुरक्षा तथा अमनचैनको प्रत्याभूति दिलाउन सहयोग पुग्ने डिआइजी गिरीले बताए
