डुबेर ललितपुरमा युवकको मृत्यु

ललितपुरमा खाल्टोमा डुबेर एक जना युवकको मृत्यु भएको छ । ललितपुर महानगरपालिका–२२ स्थित नख्खु खोलामा नुहाउने क्रममा खनेको खाल्टोमा डुबेर खोटाङ घर भई हाल ललितपुर महानगरपालिका-२७ सुनाकोठ्ठी बस्ने २१ वर्षीय देउचन्द्र राईको सोमबार दिउँसो मृत्यु भएको प्रहरीले जानकारी दिएको हो । उता रौतहटको गरुडा नगरपालिका–९ विर्ता गम्हरियामा पनि सार्वजनिक पोखरीमा डुबेर सोही ठाउँ बस्ने कनही सहनीको छोरा ७ वर्षीय विक्रम सहनीको सोमबार साँझ मृत्यु भएको छ । दुवै घटनाबारे सम्बन्धमा प्रहरीले अनुसन्धान गरिरहेको बताएको छ ।रास्स