ABC (क्राईमबिट)
काठमाडौं । आसन्न प्रतिनिधिसभा तथा प्रदेशसभामा खटिने सुरक्षाकर्मीलाई कर्मचारीको तुलनामा थोरै मात्र भत्ता पाउने भएका छन् । मतदान केन्द्रमा खटिने प्रहरी र म्यादी प्रहरीले चार दिन खाजा खर्च पाउने भएका छन् ।
दैनिक तीन सय रुपैयाँ दरले उनीहरुलाई खाजा खर्च दिन अर्थ मन्त्रालयले बजेट उपलब्ध गराएको छ । स्थानीय तहको निर्वाचनमा खाजा खर्च दिइएको थिएन ।
निर्वाचनमा खटिने प्रहरीले एक जिल्लाबाट अर्काे जिल्लामा खटिदा १३ दिनको भत्ता पाउँछन् भने जिल्लाभित्र खटिनेलाई सात दिनको भत्ता दिने निर्णय भएको छ । त्यस्तै, तयारी अवस्थामा रहने प्रहरीलाई तीन दिनको भत्ता दिने निर्णय भएको छ । निर्वाचन आयोगका कर्मचारीले दोब्बर भत्ता पाउँदा सुरक्षाकर्मीलाई भने थोरै मात्र दिइएको छ ।
