ABC (क्राईमबिट)
बाँके । आन्तरिक विषयमा दुई पक्षबिच झडप भएपछि बाल सुधार गृह तोडफोड गरी ३० जना भागेका थिए ।
उनीहरूलाई गएराति नै नियन्त्रणमा लिएर बाल सुधार गृहमै पठाइएको जिल्ला प्रहरी कार्यालय बाँकेका प्रहरी प्रवक्ता नारायण डाँगीले जानकारी दिए । गएराति दुई समूहबिच झडप भएको बाल सुधार गृहमा रातभर तनावग्रस्त बनेको थियो । अहिलेसम्म गृहको अवस्था मत्थर भैनसको प्रवक्ता डाँगीले बताए ।
बाँकेको डुडुवा गाउँपालिकामा रहेको बालसुधार गृहमा दुई पक्षबीच झडप हुँदा घाइते भएका ११ मध्य उपचारका क्रममा एक जनाको मृत्यु भइ सकेको छ। रूपन्देही जिल्लाको कञ्चन गाउँपालिका–४ का १८ वर्षीय सुलभ केसीको उपचारका क्रममा राति नै मृत्यु भएको थियो। केसी अपहरण शरीर बन्धक र जबरजस्ती करणी मुद्दामा दोषी ठहर भइ सजाय काटिरहेका थिए।
घाइते १० जनाको नेपालगञ्ज नर्सिङ होममा उपचार जारी छ। घाइते मध्य एक जनाको अवस्था अझैं गम्भीर रहेको र अन्यको स्वास्थ्य अवस्था भने सुधार उन्मुख रहेको अस्पताललाई उद्धत गर्दै प्रहरीले बताएको छ ।
बालगृहमा रहेका २५४ जना मध्य १६५ जना १८ बर्ष माथिका रहेको र उनीहरुकै कारण असहजस्थिति सृजना भएको प्रहरीको भनाइ छ । झगडामा सामेल र उग्रता पर्दशन गरी रहेकाहरुलाई बाहिरी जिल्लामा स्थानान्तरण गर्ने तयारी भइरहेको प्रवक्ता डाँगीले बताए ।
