काठमाडौं । बंगलादेश नेपालमा जारी तेस्रो संस्करणको साफ यू-१८ च्याम्पियनसिप फुटबलको फाइनलमा प्रवेश गरेको छ ।
शुक्रबार भएको पहिलो सेमिफाइनलमा भुटानलाई ४-० गोल अन्तरले हराउँदै बंगलादेश उपाधि नजिक पुगेको हो ।
हल्चोकस्थित शसस्त्र प्रहरी बल एपीएफको मैदानमा बंगलादेशलाई जित दिलाउन तन्बिन हुसेन, फोसल अहमेद फाहिम,मिराज हुसेन र दिपक रोयले एक एक गोल गरे ।
भुटानविरुद्ध पहिलो हाफमा ३ गोल गरेको बंगलादेशले दोस्रो हाफमा थप १ गोल गरेको थियो ।
बंगलादेश पहिलो पटक यस प्रतियोगिताको फाइनलमा पुगेको हो । पहिलो पटक सेमिफाइनल पुगेको भुटान भने फाइनल पुग्न असफल रह्यो ।
अब बंगलादेशले उपाधिका लागि भारत र माल्दिभ्सबीचको विजेतासँग खेल्नेछ । भारत र बंगलादेशबीचको दोस्रो सेमिफाइनल खेल आजै दिउँसो हुनेछ ।
