भैरहवा । रुपन्देही सिद्धार्थनगर नगरपालिका वडा नं.१३ काटागाउँ स्थित जिल्ला प्रहरी कार्यालय, रुपन्देहीको आयोजना नेपाल प्रहरी कर्मचारी तथा निजको आश्रित परिवारको स्वास्थ्य सेवामा सहुलियत सुबिधाको सम्झौता जिल्ला प्रहरी कार्यालय रुपन्देहीका प्रहरी प्रमुख प्रहरी उपरीक्षक एसपी प्रदीप बहादुर क्षेत्री तथा युनिभर्सल कलेज अफ मेडिकल साईन्सेस शिक्षण अस्पताल भैरहवा रुपन्देहीको तर्फबाट सोही अस्पतालका प्रमुख चिफ फाईनान्स अफिसर सुरज पौडेलज्यू र प्रशासन संयोजक तेज बहादुर के.सीबाट २ बर्षको लागि द्धिपक्षीय सम्झौता पत्रमा हस्ताक्षर गरी सम्झौता पत्र आदान प्रदान कार्यक्रम सम्पन्न भयो ।
साथै उक्त कार्यक्रममा,.डा. संकेत माने, डा. प्रकाशमनि दाहाल, डा. राजु मुनानकर्मी, डा. अरुनिमा श्रीवास्तव, डा.मदन ढकाल समेतको टोलीबाट यस कार्यालय तथा मातहत समेतमा कार्यरत सिनीयर प्रहरी अधिकृतहरु, जुनियर प्रहरी अधिकृतहरु, पत्रकारहरु, प्रहरी कर्मचारी, प्रहरी परिवारहरु तथा यस कार्यालयको हिरासतमा रहेका थुनुवा समेत गरी ३२१ जनाको उच्च रक्तचाप, मधुमेह, नाक कान घाँटी, हाड जोर्नी तथा नशा रोग, स्त्री रोग लगायत सम्बन्धी नि.शुल्क स्वास्थ्य शिविर कार्यक्रम सम्पन्न भयो ।
