काठमाडौं । उपत्यका प्रहरी कार्यालय, रानीपोखरी तथा मातहतका सम्पूर्ण कार्यालयहरुमा सवारी चालकको रुपमा कार्यरत रही सवारी चालन गरिरहेका प्रहरी कर्मचारीहरुलाई ‘चालकको परिचय तथा काम, कर्तव्य, सावधान रहने अवस्था, चालकबाट हुने गल्तीहरु, सवारी तथा यातायात व्यवस्था ऐन २०४९ मा भएका प्रावधानहरु तथा सामान्य मर्मत संभार’ समेत समावेश भएको १ दिन अवधिको ‘रक्षात्मक सवारी चालन तथा सामान्य मर्मत संभार’ सम्बन्धी अनुशिक्षण (सैद्धान्तिक तथा व्यवहारीक) कार्यक्रम काठमाडौं उपत्यका प्रहरी कार्यालय, रानीपोखरीका प्रहरी नायव महानिरीक्षक ओम प्रसाद अधिकारीको प्रमुख आतित्थ्यमा सम्पन्न भएको छ ।
