सागर थापा
कपिलवस्तु प्रहरीले ठूलो परिमाणमा चरेस बरामद गरेको छ। जिल्लाको शिवराज नगरपालिका ५ रहरकोटबाट साढे १८ किलो चरेस सहित आईतबार ३ जनालाई प्रहरीले पक्राउ गरेको हो । पक्राउ पर्नेमा दाङ हसीपुर गाउँपालिका वडा २ निवासी ३१ वर्षका रामतुल मिया, दाङ राप्ती गाउँपालिका वडा १ लम्तिया बस्ने ४१ वर्षका जितमान मिया र रोल्पा सुनछहारी गाउँपालिका २ निवासी ४१ बर्षीय जपी बुढा रहेको वडा प्रहरी कार्यलय कपिलवस्तु चन्द्रौटाका प्रहरी प्रमुख प्रहरी निरीक्षक दिपेश खरेलले जानकारी दिनुभएको छ । उनीहरुलाई नियन्त्रणमा लिइ अनुसन्धान भैरहेको वडा प्रहरी कार्यालय कपिलवस्तु चन्द्रौटा प्रहरीले जनाएको छ ।
