बिश्वका बिभिन देशमा कोरोना भाइरसका कारण मृत्यु हुनेको संख्या २१ हजार नाघेको छ । गएको २४ घण्टामा सबैभन्दा धेरै इटलीमा ६ सय ८३ र स्पेनमा ६ सय ५६ जनाको ज्यान गएको छ ।
योसँगै बिश्वभरि कोरोनाका कारण ज्यान गुमाउनेको संख्या २१ हजार एक सय ७८ पुगेको छ । यस्तै इटलीमा मात्रै सात हजार पाँच सय तीन र स्पेनमा तीन हजार ६ सय ४७ जनाको ज्यान गएको छ ।
चीनको भन्दा पनि धेरै हो भने चीनमा अहिलेसम्म तीन हजार दुई सय ८१ जनाको ज्यान गएको छ । अहिलेसम्म कोरोना भाईरस विश्वका एक सय ९८ देश र जापानको योकोहामा बन्दरगाहमा पुगेको अन्तर्राष्ट्रिय पानी जहाजमा फैलिएको छ ।
अहिलेसम्म चार लाख ६७ हजार आठ सय ९० जनामा संक्रमण देखिएकोमा एक लाख १३ हजार आठ सय ९ जना निको भएका छन् । सबैभन्दा धेरै चीनमा ८१ हजार दुई सय १८ जनामा सङ्क्रमण पुष्टि भएकोमा ७३ हजार ६ सय ५० जना उपचारपछि निको भएका छन् भने चार हजार दुई सय ८७ जनाले उपचार गराइरहेका छन् ।
