अमेरिकी राष्ट्रपति डोनाल्ड ट्रम्पले चिनिँया समकक्षी सि जिंगपिंग सँग कोरोना भाइरसबारे कुराकानी गरेका छन्। राष्ट्रपति ट्रम्पले एक ट्विटमार्फत विश्वभर फैलिएको भाइरसबारे समकक्षी सि सँग विस्तृतमा कुराकानी गरेको उल्लेख गरेका छन्। उक्त भाइरसलाई परास्त गरेको चीनसँग मिलेरै अगाडी जाने ट्रम्पले बताएका छन्। ट्रम्पले कोरोना भाइरसलाई चाइनिज भाइरस भन्दै आएका थिए। उक्त अभिव्यक्तिका कारण चीनले उनको आलोचना गर्ने गरेको थियो। तर, पछिल्लो कुराकानी सँगै दुईदेशबीचको असमझदारी अन्त्य भएको ठानिएको छ। चिनियाँ सञ्चारमाध्यमले पनि ट्रम्पसँग राष्ट्रपति सिको कुराकानी भएको उल्लेख गरेका छन।
