चीनको वुहानबाट सुरु भएको कोरोना भाइरसको महामारीबाट विश्वका १९९ देश प्रभावित बनेका छन्। यो समाचार तयार पार्दासम्म कोरोना भाइरसको संक्रमणबाट विश्वभर ३० हजार ८ सय ७९ जनाको मृत्यु भएको छ भने ६ लाख ६३ हजार ७४० जना संक्रमित बनेका छन्। विश्वमै सबैभन्दा बढी कोरोना संक्रमित अमेरिकामा रहेका छन्। अमेरिकामा अन्य देशको तुलनामा एकै दिन कोरोना भाइरसको संक्रमण दोब्बरले बढेको छ। शनिबार मात्रै अमेरिकामा १९ हजार ३ सय ७२ जना नयाँ संक्रमित थपिएका छन् भने ५ सय १५ जनाको मृत्यु भएको छ। यो सँगै अमेरिकामा अहिलेसम्म ज्यान गुमानेको संख्या २ हजार २११ पुगेको छ भने १ लाख २३ हजार ४९८ जना संक्रमित रहेका छन्। अमेरिकापछि कोरोना भाइरसको सबैभन्दा ठूलो केन्द्र इटाली बनेको छ। शनिबार मात्रै इटालीमा ८ सय ८९ जनाको मृत्यु भएको छ भने ५ हजार ९ सय ७४ जना नयाँ संक्रमित फेला परेका छन्। यो सँगै इटालीमा कोरोनाबाट ज्यान गुमाउनेको संख्या १० हजार २३ पुगेको छ भने ९२ हजार ४७२ जना संक्रमित भएका छन्। अहिले चीनमा कोरोनाको संक्रमण मत्थर भइसकेको छ। चीनमा शनिबार कोरोना भाइरसबाट ३ जनाको मृत्यु भएको छ भने ५४ जना नयाँ संक्रमित फेला परेका छन्। यो सँगै चीनमा कोरोना भाइरसबाट ज्यान गुमाउनेको संख्या ३ हजार २९५ पुगेको छ भने ८१ हजार ३ सय ९४ जनामा संक्रमणको पुष्टी भएको छ। त्यस्तै कोरोनाबाट ठूलो क्षति पुगेको चौथो देशमा स्पेन रहेको छ। स्पेनमा शनिबार मात्रै ८४४ जनाको मृत्यु भएको छ भने ७ हजार ५१६ जना नयाँ संक्रमित फेला परेका छन्। यो सँगै स्पेनमा कोरोनाबाट मृत्यु हुनेको संख्या ५ हजार ९ सय ८२ पुगेको छ भने ७३ हजार २ सय ३५ जनामा संक्रमणको पुष्टी भएको छ।

सम्बन्धित

अफ्रिकीको मोरक्कोमा शक्तिशाली भूकम्प हालसम्म २९६ जनाको मृत्यु हजारौं घाइते

अमेरिकामा सामुद्रिक आँधीबाट प्रभावित मृत्यु हुने क्रम जारी धेरै बेपत्ता खोजीकार्य जारी

अमेरिकाको पूर्वराष्ट्रपति डोनाल्ड ट्रम्प २ लाख धरौटीमा रिहा

पोर्चुगलमा दुई नेपाली युवाको मृत्यु

रुसले चन्द्रमामा पठाएको एउटा अन्तरिक्षयान दुर्घटनाग्रस्त

पाकिस्तानमा यात्रीबसमा आगलागी हुँदा २० जनाको मृत्यु १५ जना घम्भिर घाइते