एबिसी संचार
काठमाडौँ कोभिड–१९ क्राइसिस म्यानेजमेन्ट सेन्टर (सीसीएमसी) ले लकडाउनको स्वरुप परिवर्तनसहितको खाका तयार पारेको छ। यद्यपी उक्त प्रस्ताव र मोडलबारे छलफल भने जारी नै छ।
उक्त प्रस्ताव कोरोना रोकथाम, उपचार तथा नियन्त्रण उच्चस्तरीय समन्वय समितिमा छलफल गरेर मन्त्रिपरिषद बैठकमा पठाउने तयारी भएको छ। उपप्रधान एवं रक्षामन्त्री ईश्वर पोखरेल नेतृत्वको सीसीएमसीले उक्त प्रस्ताव विभिन्न सरोकारवालाहरुसँग छलफल गरेर तयार पारेको हो।
कोरोना संक्रमणका आधारमा जिल्लालाई छुट्याएर ५ देखि ६ चरणमा लकडाउन पूर्ण रुपमा खोल्न सकिने गरी योजना समेटेर खाका तयार पारिएको छ। उक्त खाका अनुसार जेठ २५ गतेदेखि ७० दिनभित्र पूर्ण रुपमा लकडाउन खोल्न सकिने उल्लेख छ ।
यो योजना अन्तर्गत कोरोना भाइरस संक्रमण अत्यन्त कम देखिएका जिल्लाहरुमा जिल्लाभित्रै सवारी साधन सञ्चालन गर्न सकिने छ भने असार १ बाट लामो दुरीका यातायात सञ्चालन गर्ने प्रस्ताव छ।
तर, यी सवारी सञ्चालनका लागि निश्चित शर्तहरु लागू हुनेछन्। ती सर्तहरु के के हुने भन्नेमा भने सरोकारवालाहरुबीच छलफल जार िगरेको स्रोतले जनाएको छ।
