एबिसी संचार
सुनसरी सादा पोशाकको प्रहरी हुँ भन्दै ब्यापारीहरुसंग रकम असुली गर्ने एक जनालाई जिल्ला प्रहरी कार्यालय सुनसरीले पक्राउ गरेको छ ।
जिल्लाको हरिनगर गाउँपालिका-२ मा रहेका केही ब्यापारीहरुलाई बिभिन्न डर त्रास देखाई गैह्र कानूनी रुपमा रकम असुली गरिरहेको भन्ने सूचना प्राप्त भएसंगै मंगलवार दिउँसो प्रहरी चौकी भुटाहाबाट खटिएको प्रहरी टोलीले हरिनगर गाउँपालिका-५ का २३ बर्षीय असरार अहमद मियालाई पक्राउ गरेको हो ।
यसरी प्रहरीको बदनाम गरी स्थानीय ब्यापारीहरुसंग गैर कानूनी तवरले रकम असुली गर्ने मियाको सम्बन्धमा थप अनुसन्धान भईरहेको उक्त कार्यालयले जनाएको छ ।
