एबिसी संचार
गुल्मीको धुर्कोट गाउपालिका-३ हर्रापाटा भन्ने स्थानमा शनिबार खसेको पहिरोमा परेर एक महिन्द्रा जीप क्षतिग्रस्त भएको छ ।
पहिरोमा पुरिएको उक्त जीपमा सवार दुईजनाको घटनास्थलमै मृत्यु भएको छ भने चार जना घाइते भएका छन् । अर्घाखाँचीको मालारानी, हाडहाडे हुँदै धनमुडा रुटमा चल्ने देउराली यातायातको ग १ ज ३९९७ नम्बरको जिप पुरिएर यात्रु तुल्सीराम काउछा र चालक प्रदिप पुनको मृत्यु भएको जिल्ला ट्राफिक प्रहरी कार्यालय गुल्मीका प्रहरी नायब निरीक्षक (सई) राजिब श्रेष्ठले जानकारी दिए ।
सई श्रेष्ठका अनुसार उक्त दुर्घटनामा रमेश राना, केशव काउछा, खिम बहादुर काउछा र बिशाल काउछा घाइते भएका छन् । घाइतेमध्ये एकको अवस्था गम्भीर रहेको र घाइते सबैको जिल्ला अस्पताल अर्घाखाँचीमा उपचार भईरहेको प्रहरीले जनाएको छ
