सागर थापा/महेन्द्र सिंह
जिल्ला प्रहरी कार्यालय बाँकेले शनिबार दिउँसो राप्तीसोनारी गाउँपालिका कुसुमबाट पाटे बाघको छाला र हड्डीसहित एकजनालाई पक्राउ गरेको छ ।
शनिबार दिउँसो ४ बजे ५ न. प्रदेश प्रहरी ब्युरो र जिल्ला प्रहरी कार्यालय बाँकेबाट खटीएको प्रहरी टोलिले बाँकेको राप्तीसोनारी गाउँपालिका वडा नम्बर १, सिमलघारीका ४६ बर्षिय नवराज घर्तिमगरलाई पाटे बाघको छाला र हड्डीसहित पक्राउ गरेको बाँके प्रहरी प्रमुख एसपी ओम बहादुर रानाले जानकारी दिए ।
प्रहरीले घर्तीमगरले आफ्नै घरको मकै बारीमा लुकाई छिपाई राखेको टाटेपाटे बाघको छाला र हड्डिसमेत बरामद गरेको छ ।
उनलाई बाघको छाला र हड्डि सहित नियन्त्रणमा लिई आवस्यक थप अनुसन्धान गरीरहेको बाँके एसपी रानाले बताए ।
