१३ जेठ २०८१, आइतबार
26-05-2024 , Sun
×

बाँके प्रहरीले अनुसन्धान गर्न थालेपछी बाणिज्य बैंकका ५ जना कर्मचारी फरार

Logo
प्रकाशित आइतबार, आषाढ २१, २०७७

महेन्द्र सिंह
बाँकेमा नक्क्ली कागजात र सरकारी छाप किर्ते गरेर सुनचाँदी व्यवसायीले एक करोड २५ लाख ऋण लिएको घटनामा बाँके प्रहरीले राष्ट्रिय बाणिज्य बैंक, त्रिभुवनचोक शाखाका कर्मचारीसहित आठ जनालाई प्रतिवादी बनाएको छ ।
प्रहरीले आफ्नो तर्फबाट अनुसन्धान सकेर सरकारी वकिल कार्यालयमा फाइल बुझाएको छ । जसमा आठ जनालाई प्रतिवादी बनाइएको छ । प्रतिवादीमध्ये तीन जनामात्रै पक्राउ परेका छन् । पाँच जना कर्मचारी फरार रहेका छन् ।
नक्कली कागजात र सरकारी छाप किर्ते गरेर ऋण लिने सुनचाँदी व्यवसायी रिजवान अहमद जसगढ, बैंकका शाखा प्रवन्धक ललितबहादुर शाही र ऋण सिफारिस समितिका सदस्य कलबहादुर ओली पक्राउ परेका छन् । बैंकका कर्जा समिति, मूल्यांकनकर्ताहरु फरार रहेको बाँके प्रहरी प्रवक्ता डीएसपी सुवास खड्काले बताउनुभयो ।
प्रहरीले अहिलेसम्म सरकारी छाप किर्तेको मात्रै अनुसन्धान गरेको छ । बैंकिङ कसुरको अनुसन्धान नै शुरु भएको छैन । बैंकिङ कसुरसम्बन्धमा बैंकले जाहेरी दिइसकेको छैन । बैंकले आन्तरिक रुपमा छानबिन गरिरहेको बुझिएको छ ।
सुनचाँदी व्यवसायी जसगढले जग्गाको लालपूर्जा, नक्सा, कर तिरेको रसिद सहितका कागजपत्रहरु नक्कली बनाएर २०७६ मंसिर २२ गते ५० लाख र २०७७ जेठ २५ गते ७५ लाख लिएका थिए ।

कमेन्ट गर्नुहोस्
सम्बन्धित

(एबिसि संचार )                                                                बलात्कार मुद्दामा क्रिकेटर सन्दीप लामिछानेलाई उच्च अदालत पाटनले सफाइ दिएको छ। जिल्ला अदालत काठमाडौँले गरेको फैसला उल्टाउँदै उच्चले उनलाई सफाइ दिएको […]

(एबिसि संचार )                                                                सर्लाहीको मलंगवा नगरपालिका-८ गोरखकालीस्थित कवाडीको सामानहरू राखिएको स्थानबाट ५३ राउण्ड गोली बरामद भएको छ । बिहीबार बिहान प्रहरीले उक्त गोली बरामद […]

(एबिसि संचार )                                                              नेपाल आयल निगमले पेट्रोलको मूल्य बढाएको छ । निगमले सोमबार बिहानदेखि लागु हुने गरी पेट्रोलको मूल्य प्रतिलिटर चार रुपैयाँले बढाएको हो ।इण्डियन आयल […]