रुकुममा सर्पले तोक्दा बालकको मृत्यु

मनोज डिसी
रुकुम पश्चिममा सर्पले डस्दा एक बालकको मृत्यु भएको छ । जिल्लाको सानीभेरी गाउँपालिका–३, ज्यामिरेका आठ वर्षीय विशाल घर्तीको सर्पले डसेर मृत्यु भएको हो ।
उनलाई गएराति १० बजेको समयमा सुतिरहेका वेला सर्पले डसेको र उपचारका क्रममा जिल्ला अस्पतालमा शुक्रबार बिहान मृत्यु भएको प्रहरी नायव उपरीक्षक ठगबहादुर केसीले जानकारी दिए ।
ढिलो गरी अस्पताल ल्याइएकाले समयमै उपचार पाउन नसक्दा बालकको मृत्यु भएको अस्पतालको भनाइ छ ।