दाङमा जिप दुर्घटना हुँदा एकजनाको मृत्यु

सागर थापा
दाङ विहीबार घोराही–लमही सडकखण्ड अन्तर्गत घोराही उपमहानगरपालिका वडा नं. ३ मसोटमा रा १ ज ९६५ नम्बरको बोलेरो जिप दुर्घटना हुँदा तुलसीपुर उपहानगरपालिका वडा नं. १५ कोठेरीका २२ बर्षीय पदम वलीको मृत्यु भएको हो । दुर्घटनामा गम्भीर घाईते वलीको राप्ती स्वास्थ्य विज्ञान प्रतिष्ठानमा उपचारको क्रममा मृत्यु भएको हो ।
जिल्ला प्रहरी कार्यालय दाङका प्रहरी प्रमुख एसपी गणेश चंन्दले कोठेरीदेखि कृष्णनगर जाँदै गरेको उक्त बोलेरो जिपमा सवार अन्य चारजना घाईते भएका छन् । दाङ प्रहरीका अनुसार चालक सोही ठाउँका ३८ बर्षीय भिमबहादुर वली, २६ बर्षीय देवराज वली, १८ बर्षीय विशाल वली र २४ बर्षीय गोपाल श्रेष्ठ घाईते भएका छन् ।
उनीहरुको राप्ती स्वास्थ्य विज्ञान प्रतिष्ठानमा उपचार भइरहेको छ । मृतक वली चालक भिमबहादुरका छोरा रहेका छन् ।