प्रकशित मिति : २ श्रावण २०७७, शुक्रबार १९:२१

महेन्द्र सिंह बाँके प्रहरीले अफिम सहित एक जनालाई नियन्त्रणमा लिएकोछ । बाँकेको कोहलपुरमा लागुऔषध अफिम कारोबार भइरहेको सूचना पाएलगत्तै चेकजाँच गर्दा अफिम सहित एक जनालाई नियन्त्रणमा लिइएको बाँके प्रहरी प्रमुख एसपी ओम बहादुर रानाले जानकारी दिए ।
एसपी रानाका अनुसार बाँके कोहलपुर नगरपालिका वडा नम्बर २ निवासी ४२ वर्षिय भबिलाल पुन मगरलाई ४ किलो १७४ ग्राम लागुऔषध अफिम सहित नियन्त्रणमा लिइएको हो ।
कोहलपुर नगरपालिका वडा नम्बर ११ गोलपार्क स्थित एलबी गेष्टहाउसबाट अफिम सहित मगरलाई जिल्ला प्रहरी कार्यालय बाँके, लागुऔषध नियन्त्रण ब्यूरो नेपालगन्ज र ईलाका प्रहरी कार्यालय कोहलपुरको प्रहरी टोलीलले संयुक्तरुपमा नियन्त्रणमा लिइएको छ ।
जाजरकोट नगरपालिका वडा नम्बर १ घर भई हाल जिल्ला बाँके कोहलपुर नगरपालिका वडा नम्बर २ आनन्दनगरमा मगर बस्दै आएका थिए ।
यतिबेला कोहलपुर स्थित ईलाका प्रहरी कार्यालयमा राखिएका उनीमाथि थप अनुसन्धान भइरहेकोछ । एसपी रानाले भने–‘बरामाद गरिएको लागुऔषध अफिम सहित पुनलाई जिल्ला प्रहरी कार्यालय बाँके  ल्याई थप कारबाही अगाडी बढाइने छ ।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com