सागर थापा बाँके जिल्लाको पूर्वपश्चिम राजमार्गमा पर्ने कुसुम बजारदेखि ७ किलोमिटर पूर्वमा अवस्थित उजखाेला । त्यहीँ राजमार्ग छेउमा पहिले सशस्त्र प्रहरी बलको एउटा जत्था अस्थायी मुकाम बनाएर बसेको थियो । घना जङ्गलकाे ठाउँ हुनाले त्यहाँ हुनसक्ने चाेरी शिकारी, बनकाे सुरक्षा लगायत नजिकैको गाउँलाई सुरक्षाको अनुभूति भएको थियो । तर बिगत दुई वर्षभन्दा पहिले देखि त्यो ठाउँ सुनसानजस्तै बनेको छ । खानेपानी तथा अन्य समस्याको कारणले उनीहरू त्यहाँ बस्न नसकेको स्थानीयले बताएका छन् । त्यस गाउँका विद्यार्थीहरु ७ किलोमिटर टाढा कुसुमकाे विद्यालय जानुपर्छ । सशस्त्र प्रहरीको टाेलि त्यहाँ राजमार्ग छेउको अफिसमा बस्दा धेरै ठूलो सुरक्षाको अनुभूति हुने भएकाले तुरुन्त त्यस ठाउँमा पुनः सुरक्षाकर्मिहरु राख्नको लागि त्यहाँका गाउँलेहरु अाग्रह गर्छन् ।
