भारत बन्दको आह्वान गरे आन्दोलनरत किसानहरुले

(ABC Sanchar)
काठमाडौं । भारतमा आन्दोलनरत किसान संगठनले आज भारत बन्दको आह्वान गरेको भारतीय मिडियाले जनाएका छन् ।
सरकारले ल्याएको नयाँ कृषि कानुनको विरुद्धमा ११ दिनदेखि आन्न्दोलनरत किसानहरु दिल्लीका सडकमा धर्ना दिएर बसिरहेका छन् ।
किसान संगठनले आह्वान गरेको बन्दको कार्यक्रमलाई तमाम विपक्षी दलहरुले समर्थन गरेका छन् ।
भारतीय किसान युनियनका प्रवक्ता राकेश टिकैतका अनुसार बन्दको कार्यक्रम अनुसार बिहान ११ बजेदेखि दिउँसो ३ बजेसम्म चक्काजामको कार्यक्रम समेत रहेको जनाइएको छ । एजिन्सी