(महेन्द्र सिंह) बाँके । भारतमा कोरोना संक्रमणको दोस्रो लहर शुरु भएपछि बाँकेमा सीमा नाकामा कडाई गरिने भएको छ । जिल्ला कोभिड-१९ संकट व्यवस्थापन केन्द्र बाँकेले स्वास्थ्य उपचार र अत्यावश्यक काम बाहेक सामान्य खरिदारीका लागि सीमापारी जान नदिने निर्णय गरेको छ ।
सीमा नाकामा आवागमन गर्नेको अभिलेख राख्ने, आवागमन गर्नेको स्वास्थ्य परिक्षण गर्ने, सघन समस्या देखिएमा कोरोना परिक्षण गर्ने, दश दिन होम क्वारेन्टाइनमा बस्न आग्रह गर्ने, सरकारी कार्यालय, विद्यालय तथा भीडभाड हुने स्थानमा सामाजिक दुरीसंगै मास्कको प्रयोगलाई अनिवार्य गर्ने तथा जिल्लामा यसअघि रहेका क्वारेनटाइन र आइसोलेसन पुनः तयारी अवस्थामा राख्ने निर्णय पनि जिल्ला कोभिड-१९ संकट व्यवस्थापन केन्द्र बाँकेले गरेको छ ।
