(ABC-Sanchar)
काठमाडौँ । नेपालमा अन्तर्राष्ट्रिय हवाई उडानमाथिको प्रतिवन्ध १७ जेठसम्म लम्बिएको छ । नेपाल नागरिक उड्डयन प्राधिकरणले मंगलबार सबै वायुसेवा कम्पनीलाई याे जानकारी गराएको हो ।
तर, भारतसँग सातामा दुई उडान भने निरन्तर जारी रहने छ । कोरोना महामारी नियन्त्रण गर्न यसअघि सरकारले वैशाख मसान्तसम्म सेड्युल उडानमाथि प्रतिवन्ध लगाउने निर्णय गरेको थियो ।
सो प्रतिवन्ध लम्ब्याएर सरकारले १७ जेठमा पुर्याइएको हो । यसबीचमा एयरलाइन्सहरुले मेडिकल उडान, चार्टर्ड र कार्गो उडानको अनुमति पाउने भएका छन् । रासस
