सागर थापा, काठमाडौँ। काठमाडौँको बौद्ध स्थित मुलपानीमा बिहिवार साझ गोलि चलेको छ । लुटेरालाई नियन्त्रणमा लिने क्रममा प्रहरीले गोलि चलाएको हो । महानगरीय अपराध महाशाखाको टोलीले लुटपाटमा संलग्न खुँडे भनेर चिनिने सिन्धुपाल्चोक, बाह्रबीसेका २६ बर्षिया अम्वरबहादुर तामाङलाई नियन्त्रणमा लिने क्रममा दुई राउण्ड गोली चलाएको महाशाखाका प्रहरी वरिष्ठ उपरीक्षक धीरजप्रताप सिंहले एविसीलाई जानकारी दिनुभयो ।उनका अनुसार बिहीबार राति ८ बजे मुलपानीमा प्रहरीले तामाङलाई नियन्त्रणमा लिन गोलि चलाएको हो ।खुँडे गोकर्णेश्वर नगरपालिका काठमाण्डौमा डेरा गरि बस्दै आएको बुझिएको छ ।
अम्बरको दाहिने खुट्टामा गोली लागेको छ।उनि घाइते भएका छन् । उनलाई अस्पताल लगिएको प्रहरी स्रोतले जनाएको छ ।प्रवउ सिंहका अनुसार घटनास्थलबाट एक कटुवा पेस्तोल र त्यसमा लाग्ने दुई राउण्ड गोली समेत बरामद भएको छ । त्यसैगरी एक हजार २ सय अमेरिकी डलर र आठ बिटा नक्कली नोटको आकारको कागजसमेत फेला परेको छ । खुंडेले गत जेठ २८ गते भक्तपुरको सुर्यबिनायक जंगलमा चापाकोट नगरपालिका-१४ घर भइ हाल रत्न नगर नगरपालिका १० बस्ने राज भण्डारीको साथमा रहेको आठ लाख डलर लुटेका थिए । अम्वरले गत जेठ २४ गते भक्तपुरमा ताप्लेजुङका वीरेन तामाङलाई डलर साटिदिन्छु भनी बोलाएर रु १९ लाख ६० हजार लुटेका थिए । त्यस्तै राजधानिको कपन स्थित संयुक्तपार्कमा ताप्लेजुङ फुललिङ नगरपालिका ४ बस्ने राजकुमार बानियाको साथमा रहेको ४९ लाख डलर सोही खुँडे समुहले लुटेको आरोप लागेको छ ।उक्त रकम लुट्ने काममा चार जना संलग्न रहेको जानकारी प्रवउ सिंहले दिनुभयो ।

सम्बन्धित

व्यवसायी बुढाथोकीद्वारा त्रिपन्न हजार बराबरको स्वास्थ्य सामाग्री सहयोग

कंचनपुरमा प्रेसको ज्याकेट लगाएर लागुऔषध ओसार्ने एकजना पक्राउ

कोभिडको दोस्रो डोज खोप लागाउन शुरु

सांसद गंगा चौधरीले दाङ्गको दुईवटा अस्पताललाई स्वास्थ्य सामग्रीहरू हस्तान्तरण

दाङ ट्राफिकले लकडाउनमा २१०८ वटा सवारी साधनहरु कार्वाहीमा

दाङका उद्योगपति बुढाथोकीद्धारा बिरामीलाई ३० वटा अक्सिजन सिलिन्डर सहयोग