(महेन्द्र प्रताप सिंह)
बर्दिया । कोभिड १९ मा आमा बुवा गुमाएका कारण खान लाउन समस्या परेका गुलरिया ३ खैरी मनकामना टोलका २ बालक अमन र राहुल नगरकोटीलाई जिल्ला प्रहरी कार्यालय बर्दियाका प्रहरी प्रमुख एसपी ईश्वर कार्कीले तत्कालका लागि खाद्यान्न सहयोग गर्नु भएको छ। बालकका हजुर आमा ७८ वर्षीय पदमा नगरकोटीलाइ सो सहयोग हस्तान्तरण गरिएको हो। भारतमा रोजगारी गर्ने क्रममा कोभिड १९ संक्रमण भै २ हप्ता अघि बाबु ४३ वर्षीय गोपाल नगरकोटीको र एक हप्ता अघि आमा लक्ष्मी नगरकोटीको निधन भएको थियो। आमा बाबु गुमाएका उनीहरूलाई खान लाउन समस्या परेपछि मामा घर पण्डितपुर गई बस्दै आएका छन्।
