(महेन्द्र सिंह)
बाँके । जिल्ला प्रहरी कार्यालय बाँके कोरोना भाइरसबाट संक्रमित हुने प्रहरीहरुका लागि छुट्टै १० बेडको आइसोलेशन केन्द्र तयार गरेको छ ।
कोरोना महामारीको रुपमा फैलिरहेको कोभिड-१९ बाट संक्रमित प्रहरी कर्मचारीहरुलाई आईसोलेसनमा राख्नको निमित्त प्रहरीले नेपालगंज उपमहानगरपालिका वडा नं १० मा आइशोलेन केन्द्र निर्माण गरेको हो ।
मध्य पश्चिम क्षेत्रीय प्रहरी अस्पताल नेपालगंजको सहयोगमा प्रहरीले नेपालगञ्जको गणेशमान चोकमा रहेको निस्शुल्क लागूऔषध परामर्श केन्द्रको भवनमा उक्त आइसोलेशन केन्द्र बनाएको छ ।
जिल्ला प्रहरी कार्यालय बाँकेका प्रहरी प्रमुख एसपी ओम बहादुर रानाका अनुसार निर्माण गरिएको आइसोलेशन सेन्टरमा स्वाश्थ्यकर्मी समेत खटिने गरी अक्सिजन सहितको १० वटा बेड क्षमता भएको आईसोलेसन केन्द्र स्थपना गरिएको बाँके एसपी रानाले जानकारी दिए ।
