ABC (क्राईमबिट)
दाङ । दुर्लभ बन्य जन्तु दाङमा रेड पाण्डाको छालासहित दूई ब्यक्ति पक्राउ परेका छन् । पक्राउ पर्नेमा सुर्खेत जिल्लाको भेरीगंगा नपरपालिका वडा नं. ८ का ५६ बर्षीय नरबहादुर बस्नेत र जाजरकोट जिल्लाको जुनीचाँदी गाउँपालिका वडा नं. ७ का ४८ बर्षीय डिलबहादुर रावत रहेको जिल्ला प्रहरी प्रमुख एसपि सुरेश काफ्लेले जानकारी दिएका छन् ।
प्रहरीका अनुसार बुधबार बिहान ८ बजेतिर घोराही उपमहानगरपालिका वडा नं. १६ गरुवाबाट उनीहरुलाई पक्राउ गरिएको हो । 
प्रतिबन्धित रेड पाण्डाको छाला बिक्रि बितरण भइरहेको भन्ने गोप्य सूचनाका आधारमा उनीहरुलाई पक्राउ गरिएको एसपि काफ्लेले बताए ।
उनीहरुको साथबाट नङग्रासहितको टाउकोदेखि पुच्छर सम्मको लम्बाई २ फिट १० इञ्च रहेको एउटा रेड पाण्डको छाला र काईनेटिक (टल्कने ढुँगा) सानो ठूलो गरि ३२ बटा प्रहरीले बरामद गरेको छ ।
पक्राउ परेका दुबै जनामाथि आवश्यक अनुसन्धान गर्न बाँकी रहेको प्रहरीले जनाएको छ ।
