(तेज वली)
दाङ । तुलसीपुर उपमहानगरपालिका ८ गहतेखोलाबाट प्रहरीले प्रतिबिन्धत बन्यजन्तु जरायोको सिङसहित तिन जनालाई पक्राउ गरेको हो ।
पक्राउ पर्नेमा बबई गाउँपालिका वडा नम्बर १ गंगटेका २२ बर्षिय जीवन घर्ति, वडा नम्बर ४ हापुरेका ३९ बर्षिय ईन्द्रबहादुर केसी र सल्यानको शारदा नगरपालिका ४ साईलाकाम्दाका २२ बर्षिय बिनोद वली रहेका छन् ।
बन्यजन्तु जरायोको सिंग बिक्रि भईरहेको बिषेश सुचनाको आधारमा ईलाका प्रहरी कार्यालय तुलसीपुरबाट खटिएको विशेष प्रहरी टोलीले पक्राउ गरेको ईलाका प्रहरी कार्यालय तुल्सीपुरका प्रहरी प्रमुख डिएसपी श्याम अर्यालले जानकारी दिनुभयो ।
प्रहरीले उनिहरुको साथबाट २ ओटा सिङ एउटामा दुई हागा भएको बरामद गरेको छ । पक्राउ परेका तिनै जनालाई नियन्त्रणमा लिई थप अनुसन्धानका लागि जिल्ला वन कार्यालय पठाईएको प्रहरीले जनाएको छ ।
