ABC (क्राईमबिट)
काठमाडौं । त्रिभुवन अन्तर्राष्ट्रिय विमानस्थल सुरक्षा कार्यालयमा कार्यरत प्रहरी सहायक निरीक्षक (असई) अम्बिका गिरी असार महिनामा उत्कृष्ट प्रहरी घोषित भएकी छन् ।
त्रिभुवन अन्तर्राष्ट्रिय विमानस्थल सुरक्षा कार्यालयले उनको कामको कदर गर्दै बेस्ट पोलिस अफ द मन्थ घोषणा गरेको हो ।
असई गिरीलाई एक्सरे अपरेसनको जिम्मेवारी तोकिएकोमा आफ्नो जिम्मेवारीलाई ईमान्दार, कर्तव्यनिष्ठ एवं प्रशंसनीय ढंगबाट निर्वाह गरी विमानस्थलमा आउने यात्रु तथा सेवाग्राहीहरुलाई समेत उत्कृष्ट तवरबाट सेवा प्रदान गर्न गराउन महवपूर्ण भूमिका निर्वाह गरि प्रहरीको छवि उच्च बनाउने तर्फ प्रशंसनीय कार्य गरेकी छन् ।
कोभिड-१९ संक्रमणको रोकथाम तथा नियन्त्रणको लागि नेपाल सरकारद्वारा जारी गरिएको निषेधाज्ञाको समयमा समेत हवाई यात्रुहरुको यात्रा सुरक्षित एवं भरपर्दो बनाई सुरक्षा प्रदान गर्न प्रहरी कर्मचारीहरुलाई प्रभावकारी परिचालन गरी आफू समेत निरन्तर खटीई यात्रु तथा प्रहरी कर्मचारीहरुलाई कोभिड-१९ संक्रमणबाट जोगाउन महत्वपूर्ण भूमिका निर्वाह गरेको हुनाले उनले सम्पादन गरेको उत्कृष्ट कार्यको उच्च मुल्याङकन गर्दै असई गिरीलाई असार महिनाको उत्कृष्ट प्रहरी घोषणा गरिएको हो । नेपाल पुलिसबाट