(महेन्द्र सिंह)
बाँके । नेपालगन्ज १६ जयसपुरबाट सशस्त्र प्रहरी बियोपी जमुनाह प्रहरीले अवैध सामानहरु बरामद गरेको छ । बिओपी जमुनाहका इन्चार्ज जीवनलाल बुढाको कमाण्डमा खटिएको सशस्त्र टोलीले अवैधरुपमा भन्सार छलि भित्र्याइएको लत्ताकपडा, जुता र पाललगायतको सामान बरामद गरेको हो ।
इन्चार्ज बुढाका अनुसार, १८३ पीस जुत्ता, २० पीस पाल, २० पीस पाइन्ट, एक दर्जन मोजा, महिलाले ओढ्ने सल २ पीस बरामद भएको छ । करिव २ लाख ५५ हजार २ सय मूल्य बराबरको सो सामान थप कारवाहीका लागि नेपालगन्ज भन्सार कार्यालयमा बुझाईएको पनि उहाँले बताउनुभयो । 
हरेक दिन हजारौं र लाखौंको अवैध सामान बरामद हुने नाका बनेपनि उतिकै मिलमतोमा सामान ओसार पोसार हुने गर्दछ । नाका बाट पास भएका अवैध सामान कहिले सुर्खेत , कोहलपुर र नेपालगका बजारमा नि समातिएको सशस्त्र प्रहरी नायब निरीक्षक बियोपी जमुनाह सूचना अधिकृत योगेन्द्र शाहीले जानकारी दिनुभएको छ ।
