(एजेन्सी)
अमेरिकाको अन्तिम विमानले उडान भरेलगत्तै काबुल विमानस्थल तालिबानको नियन्त्रणमा छ ।
काबुलबाट आइरहेका तस्बिर र भिडियो फुटेजमा तालिबानले हामिद करजई अन्तर्राष्ट्रिय विमानस्थलमा आफ्नो नियन्त्रण लिएको देख्न सकिन्छ ।
लस एन्जिलिस टाइम्सका पत्रकार नबिह बुलोस तालिबान लडाकूको उक्त टिमको हिस्सा थिए जसले विमानस्थलको ह्याङ्गरको अनुसन्धान गरिरहेका थिए ।
त्यहाँ अमेरिकी सैनिकले आफ्ना केही विमान छोडिदिएको पनि उनले जानकारी दिएका छन् ।
नबिह बुलोस क्यामरामा भन्छन्, ‘हामी यहाँ तालिबानसँगै छौं । उनीहरु केही मिनेट अघि काबुल विमानस्थलमा अमेरिकाको नियन्त्रण भएको हिस्सामा प्रवेश गरेका छन् । अब उनीहरुले यहाँ आफ्नो नियन्त्रण स्थापित गरेका छन् ।’ केही अन्य भिडियो पनि सार्वजनिक भएका छन् जसमा तालिबान लडाकू आफ्नो मेसिनगनमार्फत् खुसीले फायरिङ गरिरहेका थिए । उनीहरु तस्बिर खिचिरहेका छन्, उत्सव मनाइरहेका छन र विमानस्थलका अन्य स्थानको अनुसन्धान पनि गरिरहेको देख्न सकिन्छ । एजेन्सी
